Nasudnong buwak nga Sampaguita, gisusama sa Torch design sa 2019 Southeast Asian Games

Sports

Cebu City – Gigamit nga inspirasyon alang sa torch design sa 2019 Southeast Asian Games (SEAG) ang nasudnong buwak nga sampaguita.

Ginama sa lain-laing metal alloy ug kahoy ang torch nga gidisenyo sa renowned Filipino Metal Sculptor nga si Daniel dela Cruz.

Nakatatak sa lawas sa torch ang ‘adlaw’ nga nagsimbolo sa “unity, sovereignty ug independence”, ug nagsimbolo sab sa walo ka lalawigan nga nakig-away batok sa espanya niadtong panahon sa kolonyal-Manila, Cavite, Bulacan, Batangas, Pampanga, Laguna, Nueva Ecija ug Tarlac.

Anaa sab sa tunga sa adlaw nakatatak ang SEAG 2019 Logo.

Halos usa ka tuig ang giabot sa paghimo sa maong sampaguita-inspired torch nga dunay gibug-aton nga 1.5 kilogramo.

Sindihan ang seag 2019 torch sa Oktubre 30 alang sa torch relay nga sugdan sa Davao, Cebu, Manila hangtud sa Clark ug sublion sa Nobyembre 30 alang sab sa opening ceremonies.

Leave a Reply

Your email address will not be published. Required fields are marked *