Gidudahang kauban sa mga grupo nga nanulis sa usa ka Mall, nagpatabang kang Mayor Labella

Metro News

Cebu City – Nagpatabang kang Mayor Edgardo Labella ang usa ka manager sa Business Process Outsourcing (BPO) nga gidudahang kauban sa mga grupo nga nanulis sa JCentre Mall sa dakabayan sa Mandaue niadtong sabado, Oktubre 19.

Kini aron para malimpyo ang iyang ngalan sa kapulisan human nahulga ang iyang seguridad.

Nidangop kang Labella si Rodolfo Ugang Jr., anak ni Atty. Rodolfo Sr., kinsa usa ka graduate sa abogasiya, pinaagi ni City Attorney Rey Gealon nga iyang classmate sa kolehiyo para di na siya ipaubos sa surveillance sa kapulisan.

Si Ugang Jr. nagpuyo sa usa ka unit sa four-unit apartment., kauban ang iyang pamilya sa lungsod sa Liloan.

Siya miingon nga wa siya mahibawo nga ang nagpuyo diay sa pikas unit mao ang tipik sa grupo nga nitulis sa sa maong Mall naidtong Sabado.

Nahadlok siya nga gilista na sa pulis ang plate number sa iyang sakyanan.

Nasayran nga giingnan siya nga panid-an ang iyang mga lihok sulod sa tulo ka buwan.

Gipadayag niya nga mga duha na ka buwan nga nipuyo sa apartment ang mga tulisan nga wa siya makaila.

Iyang gihulagway nga di makig-estorya sa mga tawo sa palibot ug kon ilang ikasugat, moduko. (DYARNewsCenter/GO)

Leave a Reply

Your email address will not be published. Required fields are marked *