LWUA, opisyal na nga mihulip sa MCWD board

Metro News

Cebu City – Opisyal na nga nihulip ang Local Water Utilities Administration (LWUA) sa lima ka Board of Directors (BOD) sa Metro Cebu Water District (MCWD) human giundang ang ilang serbisyo sukad niadtong Oktobre 15.

Nipadala og suwat ngadto ni Joel Mari Yu, Chairman sa BOD sa MCWD si Acting Administrator Jeci Lapus sa LWUA nga nagkumpirmar sa notice of termination ni Mayor Edgardo Labella ngadto sa lima ka mga BOD nga iyang gipangulohan.

Iyang gikauban si Atty. Cecila Adlawan, Atty. Procopio Fernandez, Atty. Ralph Sevilla ug Augustus Pe Jr.

Matud pa ni Lapus, nga epektibo niadtong Oktubre 15 ang Notice of Termination sa lima ka bod hinungdan nga mohimo sila og temporaryo nga pagpuli sa mga nataktak nga opisyal sa MCWD.

Gumikan sa pagdeklarar sa BOD sa MCWD nga bakante na ang posisyon isip chairman, ilang gitudlo isip acting chairman si Pe.

Dugang pa sa LWUA nga nag-ung-ong pa sa ilang buhatan ang pag-review sa notice of termination nga giluwatan ni Labella subay sa section 11 sa Presidential Decree 198.

Nasayran nga walo ka adlaw human sa notice of termination ni Labella, niluwat na sa katungdanan si Yu nga maoy gipahibawo sa MCWD. (DYARNewsCenter/GO)

Leave a Reply

Your email address will not be published. Required fields are marked *