Department of Agriculture 7 nagpahigayon og KADIWA

Regional

Cebu City – Padayon gihapon mopahigayon ang Department of Agriculture-Central Visayas sa ilang naandan nga KADIWA o pagpamaligya sulod sa ilang buhatan sa DA-RFO Complex, Maguikay, Mandaue City matag Huwebes ug Biyernes.

Ang maong kadiwa gi-enhance kini, tungod daghang mga mag-uuma ang mamaligya sa ilang mga produkto.
Adunay 22 ka mga mag-uuma gikan sa Cebu City ang modisplay sa ilang mga ani.

Suportado ang maong proyekto sa Cebu City Agriculture Office aron matabangan ang mga mag-uuma nga makabaligya sa ila mga produkto diin magsugod ang pagpamaligya alas 8:00 sa buntag.

Kinahanglan tumanon sa mga mamalitay ang saktong physical distance nga usa ka metros, pagsul-ob og face mask ug magdala og kaugalingong eco bag.

Ang maong lakang gihimong aron mapanalidan ang matag usa batok sa covid-19 ingon man pagcomply sa “No plastic policy sa dakbayan sa Mandaue” ug kanunay dal-on ang quarantine pass. (DYARNewsCenter)

Leave a Reply

Your email address will not be published. Required fields are marked *