One Entry – One Exit sa mga merkado hugot ng gipatuman sa lalawigan sa Bohol.

Regional

Cebu City – Hugot ng gipatuman karun ang one entry – one exit policy sa mga merkado sa bohol, subay kini sa mga precautionary measures nga gipatuman sa lokal nga panggamhanan.

Sa Dao Public Market, gisirado na ang mga agi-anan arun usa na lang ang mahimong agi-anan pasulod sa merkado.

Kinahanglan usab nga magpa spray una ug alcohol sa security guard ayha mosulod sa merkado,samtang ang mga tindera ug trabahante sa merkado gimando-an nga magsul-ob ug face mask, hairnet, gloves ug apron. Gibutangan usab ug mga plastic nga division ang mga pwesto sa mga tindahan.

Samtang sa merkado sa Valencia, Bohol, adunay hand wash area sa gawas. Gimandoan ang tanan nga manghugas una ug kamot sa dili pa mosulod sa merkado.

Nagbutang usab sila ug mga pahimangno sa sulod sa merkado nga kanunay i-implentar ang social distancing, apan matod pa nga aduna gihapon pipila ka mga lumulupyo nga wala motuman sa mga pahimangno ug mando nga gikan sa gobyerno.

Ang mga merkado, abli lang gikan alas singko sa buntag, hantod sa alas singko sa hapon. (NewsCorrespondent/Mary_Lou_Tagupa_Bohol)

Leave a Reply

Your email address will not be published. Required fields are marked *