Lalawigan sa Antique, nagpatuman og temporary lockdown human makatala og labing unang kaso sa Covid-19

Regional

Cebu City – Nagpatuman na og temporary lockdown ang isla sa Semirara sa Antique human makatala og labing unang kaso sa covid 19.

Sa opisyal nga pamahayag ni Provincial Governor Rhodora Cadiao, gibutyag niini nga ang pasyente usa ka 74-anyos nga lalaki ug residente sa Paranaque City, Marso 9 sa dihang miabot ang pasyente sa barangay Semirara, Semirara Island, Caluya sakay og private plane.

Samtang Marso 19 nagpacheck-up kini sa Semirara Mining Power Corporation Hospital tungod sa hilanat ug lisod pagginhawa.

Sa kasamtangan, suma sa provincial government sa Antique nga anaa na sa strict home quarantine ang pasyente ug anaa na sa stable nga kahimtang.

Gipahigayon na usab ang contact tracing sa mga posibleng gika-atubang sa pasyente.

Samtang, lagmit usab magpatuman og enhance community quarantine ug temporaryong ipaundang ang tanang travel activities padulong ug gikan sa Semirara Island arun mapugngan ang pagkuyanap sa Covid-19 pandemic. (NewsCorrespondent/JiricoCardenas/Antique)

Leave a Reply

Your email address will not be published. Required fields are marked *