Mayor Ahong Chan naghangyo ug dugang sa Social Amelioration Card para sa dakbayan

Metro News

Cebu City – Tinguha karun ni Lapu-lapu City Mayor Junard “Ahong” Chan ang dugang mga kabus nga Oponganon nga hatagan og Social Amelioration Card (SAC) nga iyang gihangyo sa nasudnong kagamhanan.

Ang dakbayan gigahinanan lang og 48,000 ka SAC alang sa mga kwalipikado nga households samtang mokabat sa 500,000 ka households ang nanginahanglan sa tabang.

Sa kasamtangan wala pa kadawat si Chan og tubag labot sa iyang hangyo sa nasudnong kagamhanan.

Ang porma sa SAC dunay ipauban nga dokumento sa hingtungdan nga household ug suta-on pa kini sa Department of Social Welfare and Development kung kwalipikado ba sa programa.

Giawhag usab niya ang mga Oponganon nga kalma lang ug dili mag-emosyonal bahin sa maong ayuda. (DYARNewsCenter/BC)

Leave a Reply

Your email address will not be published. Required fields are marked *