Border control sa probinsya sa Sugbo pahugtan pa ni Gobernador Garcia

Metro Manila

Cebu City – Striktuhon na ni Gobernador Gwendolyn Garcia ang border control sa probinsya human sa padayon nga pagsaka sa kaso sa nagpositibo sa Coronavirus Disease (Covid-19) sa dakbayan sa Sugbo.

Sa press conference sa kapitolyo kagahapon gibutyag ni Garcia nga misumbong ang mga bokal sa probinsya nga may mga sugboanon nga nag-smuggle og mga tawo aron makasulod sa probinsya pinaagi sa pagpasakay sa mga tawo sa delivery trucks, emergency vehicles og uban pa.

Tungod niini, gimandoan ni garcia ang tanang kapulisan sa estrikto nga pagsusi sa mga delivery trucks o vehicles nga mosulod sa probinsya.

Kalabot niini, gipatawag sa gobernador ang tanan nga mga kadagkoan sa mga lungsod sa probinsya sa sugbo karung adlawa arun hisgutan ang mas strikto nga border controls.

Lakip sa hisgutan sa maong pulong mao ang dugang paagi sa pag monitor sa mga sugboanon. (DYARNewsCenter/BC)

Leave a Reply

Your email address will not be published. Required fields are marked *