Pagpahigayon og massive rapid testing sa dakbayan sa Sugbo, giuswag

Metro News

Cebu City – Giuswag sa Mayo sais sa dakbayan sa Sugbo ang ipahigayon unta nga massive testing alang sa covid-19 niadtong lunes.

Sugdan unta karun sa Cebu city, Mandaue city ug Lapu-lapu city ang maong massive rapid testing.

Mitawag si Cebu City Mayor Edgardo Labella kang Dr. Jaime Bernadas, pangulo sa Department of Health-7 ug kang Dr. Daisy Villa ang pangulo sab sa Cebu City Health Department alang sa panagtigum ug diskusyon bahin sa plano ug mga lakang batok sa virus.

Nahukman sa meetin nga i-oktaba una kini aron matubag ang mga pangutana ug kabalaka sa mga barangay.

Target sa massive testing ang 10 porsiyento sa kinatibuk-ang panimalay sa matag barangay sa kada siyudad.

Base sa datus sa City Health Departments sa tulo ka siyudad, moabot 46,896 ka tawo ang kinahanglang ipaubos sa maong test. (DYARNewsCenter/BC)

Leave a Reply

Your email address will not be published. Required fields are marked *