Gi-quarantine na ang 21 ka mga kawani sa Eversley Childs’ Sanitarium and General Hospital

Health Metro News

Cebu City – Gi-quarantine na ang 21 ka mga kawani sa Eversley Childs’ Sanitarium and General Hospital human masuta nga ilang usa ka pasyente nga na-admit sa maong hospital positibo sa coronavirus disease (covid-19).

Suma kang Dr. Pythagoras Zerna, Medical Center Chief sa hospital nga sa 21 ka mga kawani, ang 18 niini gi-quarantine sa ilang pasilidad samtang ang tulo gi-home quarantine.

Base sa gianunsyo sa dakbayan sa Mandaue kaniadtong mayo sais ang ika-93 nga nagpositibo sa dakbayan, kinsa 48 anyos nga lalake, lumulupyo sa Sitio Asinan, Barangay Mantuyong, Mandaue city nga namatay sa wa pa maabot ang iyang resulta sa swab test.

Kalabot niini mihatag usab og pamahayag ang ospital diin , ang maong
pasyente nga nagpositibo gi-endorso ngadto sa ilang hospital, anaa na sa kritikal nga kondisyon.

Dugang sa statement nga bisan og hugot ang ilang pagpatuman sa mga preventive measures sa ilang hospital, wa gihapon malikayi nga adunay mga kawani sa hospital nga na-expose sa pasyente.

Sa kasamtangan naghimo og temporaryong emergency room ang hospital ngadto sa ilang out-patient department. (DYARNewsCenter/BC)

Leave a Reply

Your email address will not be published. Required fields are marked *