51 ka mga OFW mipauli sa Bohol, negatibo sa covid-19

Regional

Adunay 51 ka mga bag-ong OFW’s nga miabot sa probinsya sa Bohol dugang sa nauna nga 65 nga mipauli niadtong Abril 26, 2020 miabot sila niadtong May 9, 2020 ug hugot nga gipatuman ang pag disinfect ug pag quarantine nila didto sa the story resort sa Danao, Panglao, Bohol.

Sila miabot sa bohol nga adunay certification gikan sa doh nga sila himsog, walay gipamati sa lawas ug negatibo silang tanan sa covid-19.

Samtang sa laing bahin, migawas na ang resulta sa confirmatory PCR test nga gihimo sa duha ka OFW nga gikan sa manila nga nag false positive sa unang PCR test. Usa kanila nag positibo sa covid-19 ug ang usa nag negatibo.

Sa pahayag ni Gov. Art Yap, magpabilin nga i-isolate ang pasyente sa iyang kwarto didto sa quarantine facility samtang ang DOH magpahigayon ug laing PCR test karong adlawa.

Ang pasyente nagpabiling asymptomatic o walay gibati nga mga simtomas. Ang laing 63 ka mga OFW nga kauban sa batch sa duha ka OFW’s padayon pang gihulat ang resulta sa ilang ikaduhang PCR test.

Tungod niini dili pa sila mahimong mopauli sa ilang tagsa-tagsa ka mga lungsod. si yap miingon nga andam ang bohol sa pag atubang sa hulga sa covid-19 basta mag tinabangay ang tanan.

Sundon gihapon ang mga mando kabahin sa social distancing, pagsul-ob sa face masks, proper hygiene and sanitation, curfew hours ug magpabilin sa balay kung walay importanteng lakaw. (DYARNewsCorrespondent/Bohol/MaryLouTagupa

Leave a Reply

Your email address will not be published. Required fields are marked *