Duha ka pulis sa Cebu City Police Office nakalas tungod sa covid-19

Metro News

Cebu City – Patay ang duha ka pulis sa Cebu City Police Office (CCPO) nunot sa covid-19 kagahapon sa managlahing ospital sa dakbayan sa Sugbo.

Kini ang gikompirmar ni officer-in-charge sa CCPO Police Colonel Cydric Earl Tamayo apan wala una panganli ang duha ka polis.

Usa sa namatay mao ang 29-anyos nga pulis nga nadestino sa Abellana Police Station apan naka-detail kini sa PNP Crime Laboratory ug ang laing usa nag-edad og 46 nga nadestino sa Crisis Response Battalion (CRB) team sa CCPO.

Kalabot niini misaad si Tamayo nga tabangan sa CCPO ang pamilya sa duha ka pulis nga nakalas tungod sa covid-19.

Ipaubos sa cremation ang patayng lawas sa duha ka police tungod mao usab ang rekomendasyon sa health authorities.

Masaligon si Tamayo nga padayon ang taas nga morale sa mga kapulisan sa dakbayan sa Sugbo bisan sa nahitabo sa ilang duha ka kauban.

Sa kasamtangan wala pa matino kon i-lockdown ang ilang police stations. (DYARNewCenter/BC)

Leave a Reply

Your email address will not be published. Required fields are marked *