Kontruksyon sa halapad nga taytayan sa Dumaguete City padayon nga gitrabaho

Regional

Cebu City – Padayun ang trabaho sa katukuran sa usa ka kongkreto ug halapad nga taytayan duol sa BIR nga mosumpay sa barangay Batinguel ngadto sa barangay Bagacay og barangay Junob.

Suma kang Mayor Ipe Remollo padayon ang trabaho sa taytayan arun mapaspas ug mamahimong magamit na ang mga taytayan sa dili pa mahuman ang tuig.

Tubag kini sa pila ka dekada nga yango-ngo sa katawhan nga motukod ug halapad ug konkreto nga mga taytayan alang sa luwas nga pagbiyahe.

Ang naasoy nga taytayan sa Colon gigahinan og P20 milyones diin ang kontraktor mao ang joint venture sa Jaime Ching Enterprises ug Supreme Mega Structure Builders Inc.

Samtang ang budget sa ikaduhang taytayan dinha dool sa BIR mokabat ug P31 milyones diin ang kontraktor nga Philsouth Builders ang nagpatuman niini din ang pondo gikan kini tanan sa lokal nga kagamhanan.

Kung mahuman ang duha ka taytayan dinha sa Colon ug BIR kini dako ug tabang para momenos ang gibug-aton sa trapiko ug mas hapsay ug luwas na unya ang motorista bisan pa kung adunay baha o daot ang tiempo.

Ubos sa General Community Quarantine (GCQ), gitugotan ang mga construction works basta kanunay lang ipatuman ang social distancing, paghugas og kamot ug pagsul-ob og face mask. (DYARNewsCorrespondent/RoselynCarbonilla/DumagueteCity)

Leave a Reply

Your email address will not be published. Required fields are marked *