Laing tulo ka pulis sa dakbayan sa Mandaue nagpositibo sa covid-19, estasyon gi-lockdown

Metro News

Cebu City – Padayon gipaubos sa lockdown ang Opao Police Station sa dakbayan sa Manduae human nagpositibo sa coronavirus disease kon covid-19 ang laing tulo ka pulis ug duha ka dinakpan sa maong estasyon.

Suma kang PMaj. Mercy Villaro, tigpamaba sa Mandaue City Police Office (MCPO), ang tulo ka mga pulis ang unang nagpositibo sa covid-19 nga mga kawani sa MCPO.

Usa sa tulo ka mga pulis ang desk officer sa Opao Police Station ug ang laing duha kawani sa maong estasyon.

Padayon gihapon ang pag-swab sa mga kawani sa estasyon ug wala pa mahibaw-i kung kanus-a kutob ang paglockdown sa naasoy nga estasyon.

Kalabot niini nagpagawas og bag-ong memo ang MCPO alang sa mga kapulisan nga dili una pabisitahan ang mcpo headquarters.

Mamahimo lang nga mopadangat sa ilang ang bisan kinsa pinaagi sa email, viber, chat ug uban pa nga komunikasyon.

Pamaagi kini aron maprotektahan ang mga kawani sa covid-19 nga naa sa headquarters. (DYARNewsCenter/BC)

Leave a Reply

Your email address will not be published. Required fields are marked *