Mactan Cebu International Airport (MCIA) butangan ug Covid-19 Laboratory

Metro News

Cebu City – Hingpit na nga magamit ang covid-19 test laboratory sa Mactan Cebu International Airport (MCIA) nga alang sa mga Overseas Filipino Workers (OFW’s) nga moabot sa sugbo pinaagi sa maong tugpahanan.

Suma kang Dr. Jaime Bernadas, Regional Director sa Department of Health (DOH) Central Visayas, ipaubos sa covid-19 test ang mga OFW’s nga moabot sa mcia ug mag positibo, i-isolate gilayon apan ang ilang kaso adto madugang sa positive cases sa lugar nga ilang gipuy-an sa Pilipinas.

Gipahibawo usab ni Bernadas nga gawas sa Vicente Sotto Memorial Medical Center (VSMMC), Tuberculosis Regional Lab (TBRL) ug ARC Hospital sa Lapu-lapu nga accredited sa Research Institute for Tropical Medicine (RITM) nga laboratory sa covid-19, lain pang duha ka pribadong tambalanan ang ni-apply, kini mao ang chong hua hospital ug Cebu Doctors Hospital.

Ang MCIA covid-19 test laboratory makabasa kini og 2,000 ka swab spicemen matag adlaw kon diin kasagaran niini swab samples nga makuha sa mga moabot nga OFW’s o kadtong nibyahe gikan sa gawas sa nasod nga moabot sa MCIA. (DYARNewsCenter/BC)

Leave a Reply

Your email address will not be published. Required fields are marked *