Bag-ong Quarantine Pass nga naay QR Code, ipang apud-apud kada balay sa dakbayan sa Sugbo

Metro News

Cebu City – Moisyu og bag-ong quarantine pass nga naay QR Code ang lokal nga panggamhanan sa dakbayan sa Sugbo isip hulip sa quarantine pass nga gisuspenso sa syudad.

Kalabot niini bahinon usab ang mga barangay ug hatagan og adlaw diin ang ilang mga lumolupyo mahimong makagawas aron makapamalit ug paghimo sa uban pang importanteng mga lakaw.

Suma kang Cebu City Mayor Edgardo Labella tumong niini aron mamenusan ang paggawas-gawas sa mga tao samtang ang dakbayan naa pa sa enhanced community quarantine (ECQ).

Gibutyag ni Labella nga iyang gikanselar ang 250,000 ka green pass nga iyang giisyu niadtong marso human sa rekomendasyon ni Department of the Interior Secretary Eduardo Año.

Si Año, kinsa niduaw sa dakbayan sa Sugbo uban kang Environment Secretary Roy Cimatu, Department of Health Secretary Francisco Duque III ug uban pang mga sakop sa Inter Agency Task Force (IATF), nakakita sa kadaghan sa mga tawo sa karsada.

Kini ang hinungdan nga iyang gisultihan si Labella sa pagkanselar sa mga quarantine pass sa milabay nga martes sa gabii. (DYARNewsCenter/BC)

Leave a Reply

Your email address will not be published. Required fields are marked *