Bag-ong hepe sa Dumaguete City Police Office laraw nga pakusgon ang security measures sa syudad

Regional

Cebu City – Laraw karon sa bag-ong hepe sa Dumaguete City Police Office nga si PLT/Col. Mark Gifter T. Sucalit nga pakusgon ang security measures sa syudad.

Kini ang gibutyag sa bag-ong hepe atol sa gipahigayon nga City Peace and Order Council Meeting nga gipanguluhan ni Mayor Felipe Antonio Remollo kaubang si Vice-Mayor Alan Gel Cordova.

Suma kang sucalit kihanglan pakusgon ang security measures ilabi na sa mga bangko, pawnshops ug ubang pang financial institutions.

Laraw usab ni Sucalit nga mopahigayon og simulation exercises, pakusgon ang kapabilidad sa intelligence ug counter-intelligence pinaagi sa barangay information network ug uban pa.

Giaprubahan usab sa city peace and order council ang proposed budget alang sa tuig 2021 nga P18.9 million alang sa peace and order programs projects and activities ug P2.6 million alang sa anti-illegal drugs.

Una na nga mihatag ang city government ngato sa kapulisan og kagamitan sama sa hand held radios, bullet proof vests, body cameras unom ka high speed motorcycles, drones ug vehicles. (DYARCorrespondent/RoselynCarbonilla/DumagueteCity)

Leave a Reply

Your email address will not be published. Required fields are marked *