Laing upat ka mga LSI ang nag positibo sa covid-19 sa probinsya sa Bohol

Regional

Cebu City – Misaka na sa 23 ang aktibong positibo nga kaso sa covid-19 sa probinsya sa Bohol, kini human gikompirma sa DOH nga adunay 4 ka mga LSI o locally stranded individuals ang nag positibo sa covid-19 base sa resulta sa ilang pcr test.

Duha gikan sa dakbayan sa Tagbilaran, usa gikan sa Catigbian, ug laing usa gikan sa lungsod sa Talibon.
Nagpabilin sila nga gi-isolate sa mga isolation centers sa matag lungsod. Matud pa ni Bohol Governor Arthur Yap, gipahibalo na ang mga mayor sa matag lungsod kabahin sa resulta.

Nakig coordinate na usab ang Provincial Health Office o PHO ngadto sa mga Municipal Health Office o MHO para sa paspas nga pagpahigayon sa contact tracing.

Samtang sa laing bahin, gi kompirma usab ni yap nga uban sa report sa bag-ong kaso sa covid-19, nadawat usab ang resulta sa duha ka mga LSI gikan sa Tagbilaran nga nag positibo gihapon sa ilang repeat PCR test.

Nanawagan ug mihangyo si Gobernador Yap sa mga katawhan nga magpabilin sa panimalay kung walay importanteng lakwon, likayan ang pagsuroy-suroy, sundon ang mando sa social distancing ug magbaton sa kalimpyo sa kanunay. (DYARCorrespondent/MaryLouTagupa/Bohol)

Leave a Reply

Your email address will not be published. Required fields are marked *