Roxas City Government milusad og gadget donation drive alang sa mga tinun-an

Regional

Roxas City – Gilusad karun sa Roxas City government ang gadget donation drive alang sa mga residente sa syudad nga dili makapalit og gadget arun magamit sa pagtuon sa ilang mga anak.

Ang maong donation drive gipangalan og “𝐆𝐚𝐝𝐠𝐞𝐭 𝐩𝐚𝐫𝐚 𝐬𝐚 𝐰𝐚𝐥𝐚 𝐁𝐮𝐝𝐠𝐞𝐭”nga tumong makatigom og gadget arun ipanghatag sa mga tinun-an nga nag-kinahanglan alang sa pagbalik sa eskwela sa umaabot nga Agosto 24.

Kahinumduman nga laraw sa Department of Education kon DepEd nga ipatuman ang bag-ong pamaagi sa pagtuon pinaagi og blended and online learning nunot sa epekto sa covid-19.

Makatabang ang maong programa sa mga tinun-an nga gitagaan og bili ang pag-eskwela apan nagkalisod tungod usab sa pinansyal nga kakuwangon sa ilang pamilya.

Sa kasamtangan padayon ang Roxas City government pagpangita og pamaagi arun matabangan ang mga kabos na mga estudyante sa dakbayan. (DYARCorrespondent/AbegailLopez/RoxasCity)

Leave a Reply

Your email address will not be published. Required fields are marked *