Usa ka SAP beneficiary nadakpan sa buy-bust operation sa Bohol

Regional

Bohol – Usa ka mananagat sa probinsya sa Bohol ang nasikop sa kapulisan atul sa usa ka buy-bust operation.

Si Danilo Abejaron, 26 anyos, lumolupyo sa Villalimpia, Loay, Bohol, usa sa mga nakadawat sa benepisyo gikan sa gobyerno alang sa mga nawad-an ug trabaho panahon sa covid-19 pandemic.

Matud pa sa mga autoridad, nakitaan ug mga sachet sa illegal nga droga ang maong suspek nga mukabat sa kwatro-mil utso sintos nubenta’y-sais ang kantedad.

Si Abejaron nakit-an nga nagbaligya sa gituohang shabu didto sa ilang barangay, hinungdan nga gi aksyonan dayon sa kapulisan ang maong buy-bust operation.

Anaa na karon sa kamot sa kapulisan si abejaron ug pasakaan ug kaso sa sale and possession of illegal drugs. (DYARCorrespondent/AdrianTagupa/Bohol)

Leave a Reply

Your email address will not be published. Required fields are marked *