KC Montero, ug laing pa nga 120 ka tawo sikop sa pagsupak sa physical distancing sa usa ka restobar sa Makati

Showbiz

Cebu City – Sikop sa gihimong raid sa kapulisan ang aktor ug tv host nga si KC Montero, ug laing pa nga 120 ka tawo tungod sa giingong pagsupak sa mass gathering restrictions, lakip ang social distancing rules, sa Makati City.

Gidakop sa makati city police si montero, kauban ang iyang asawa sa usa ka resto-bar sa 18th floor sa usa ka condominium sa Salcedo village sa barangay Bel-Air.

Suma kang Makati Police Chief Col. Oscar Jacildo, gihimo nila ang maong raid human makadawat og taho kalabot sa operasyon sa resto bar diin mihimo matod kini og exclusive gatherings nga wala gipatuman ang physical distancing.

Kahinumduman nga ubos sa general community quarantine dili tugutan nga mo-operate ang mga bars.

Laraw usab nga pahamtangan sa otoridad ang mga nasikop sa pagsupak sa Republic Act No. 11332 o “Mandatory reporting of notifiable diseases and health events of public health concern Act of 2018″. (DYARNewsCenter/BC)

Leave a Reply

Your email address will not be published. Required fields are marked *