Pagpauli sa kapin 300 nga patayng lawas sa OFW, gipadali

National News

Cebu City – Gipadali na ni Labor Secretary Silvestre Bello III ang pagpapauli sa 301 nga patayng lawas sa mga Overseas Filipino Worker sa Saudi Arabia.

Kini aron makab-ot sa pilipinas ang gihatag nga July 4 deadline sa panggamhanan sa Saudi Arabia nga ipauli ang mga patayng lawas.

Matud pa ni Bello, duna na’y ginaayo nga flight ang panggamhanan alang niini.

Si Bello, una na nga miingon nga natigomang mga patayng lawas sa mga filipino sa Saudi Arabia nunot sa tulo ka bulan nga lockdown gumikan na sab sa covid-19.

Natural death ang hinungdan sa kamatayon sa mga filipino samtang ang uban, nakalas tungod sa krimen.

Gilayong ilubong sa Saudi Arabia ang 50 filipino nga nakalas gumikan sa covid-19. (DYARNewsCenter/BC)

Leave a Reply

Your email address will not be published. Required fields are marked *