Iran, nagpagawas ug warrant of arrest kang US Pres Donald Trump ug ubang 35

International News

Cebu City – Nagpagawas ang Iran og warrant of arrest batok ni US Presidente Pangulong Donald Trump ug 35 pa.

May kalabotan kini sa pagpatay sa usa sa ilang mga tag-as nga heneral ug lider sa revolutionary guards ‘Quds Force, Qassem Soleimani.

Sumala pa ni Tehran Prosecutor Ali Alqasimehr, nangayo na sab og tabang ang Iran sa interpol alang sa pagpagawas og red notice batok kang Trump ug uban pa nga gilambigit sa pagpatay kang Soleimani.

Matud pa niya, gipagawas ang warrant of arrest gumikan sa kasong murder ug terrorist action.

Niadtong petsa tres(3) sa Enero, sa dihang napatay sa Estados Unidos pinaagi sa drone attack sa Iraq si Soleimani nga ilang gipasanginlan isip mastermind sa pag-atake sa iranian-aligned militias batok sa US Forces sa rehiyon. (DYARNewsCenter/BC)

Leave a Reply

Your email address will not be published. Required fields are marked *