Barangay Isolation Center sa dakbayan sa Sugbo dili na ipagamit

Metro News

Cebu City – Di na mamahimo nga gamiton kon butangan og pasyente sa covid-19 ang Barangay Isolation Centers kon (BIC) nga anaa sa tunga-tunga sa mga barangay.

Kini ang kamanduan ni Environment Secretary Roy Cimatu diin ipadiretso og dal-on nalang ngadto sa NOAH complex sa South Road Properties kon (SRP).

Kini nunot usab sa kabalaka sa kumunidad nga maoy gituohan nga hinungdan sa pagdaghan sa mga kaso sa covid-19 tungod anaa sa lugar nga daghan og mga tawo ang BIC.

Gusto usab ni Cimatu nga mapun-an ang 350-bed capacity sa NOAH complex.

Dugang niya nga kon di mapaigo ang bag-ong mga pasyente sulod sa noa complex, mamahimong ibutang sa coliseum.

Nasayran usab nga ang mga tunghaan nga gigamit nga barangay isolation centers sa asymptomatic nga mga pasyente sagad naa sa sentro sa mga barangay.

Nagtuo si Cimatu nga usa kini sa mga hinungdan nganong taas ang mga pagpanakod sa covid-19 sa mga komunidad. (DYARNewsCenter/BC)

Leave a Reply

Your email address will not be published. Required fields are marked *