Fight Island, gipakita ni UFC President White sa publiko

Sports

Cebu City – Gipakita na ni UFC President Dana white ang iyang Fight Island. Nahimutang ang 2,000 square miles nga luna sa YAS Island sa Abu Dhabi.

Suma ni White nga duna’y nakalinyang away ang himuon sa maong dapit. Gihimo sab ang maong Fight Island nga maghatag og luwas nga dapit aron didto himuon ang mga UFC fights taliwa sa covid-19 pandemic.

Aron mas luwas batok sa virus, dunay naka-assign nga 17 medical personnel aron masusi ang kahimsog sa mga fighters.

Duna na sab sila’y 2,000 nga testing sa maong dapit.

Dugang pa niini ang mga fighters ug crews, mopaubos sa lima ka rounds nga testing nga magsugod sa di pa sila moadto sa maong isla.

Unang ipahigayon sa isla ang UFC 251 sa petsa onse sa hulyo diin makita ang duwa tali nila ni Kamaru Usman at Gilbert Burns.

Mag-atbangay sab sila si Max Holloway kang Alexander Volkanovski samtang kalabanon ni Paige Vanzant si Amanda Ribas. (DYARNewsCenter/BC)

Leave a Reply

Your email address will not be published. Required fields are marked *