Sirado karong adlawa ang Lapu-Lapu City Hall

Metro News

Cebu City – Sirado karong adlawa ang Lapu Lapu City Hall alang sa pagahimuon nga disinfection sa nagkalainlaing buhatan sa kagamhanan.

Kini ang mando ni Mayor Junard “Ahong” Chan nunot usab sa nagpadayon nga pagsaka sa gidaghanon sa kaso sa coronavirus disease 2019 kon covid-19 sa syudad.

Suma kang Chan ang maong adlaw regular working day gihapon alang sa mga kawani kay ang tanang kawani kinahanglan motungha sa ilang trabaho alang sa pagpanglimpyo apan walay transaksyon.

Kalabot niini giawhag ni chan ang mga kawani sa matag buhatan nga maoy mohimo sa disinfection sanglit gitugot ngadto kanila ang pagpalit og mga kagamitan sama sa bleaching ug uban pa.

Gitahasan lang sa pagpahigayon og disinfection ang mga personnel sa city disaster risk reduction and management office sa palibot sama sa lobby ug mga hagdanan sa city hall. (DYARNewsCenter/BC)

Leave a Reply

Your email address will not be published. Required fields are marked *