7 ka sundalo sa Negros Oriental nga gikan sa dakbayan sa Sugbo nagpositibo sa covid-19

Regional

Cebu City – Gipaubos na karon sa quarantine sa Negros Oriental ang pito ka mga sundalo nga nagpositibo sa covid-19 gikan nagserbisyo sa dakbayan sa Sugbo.

Suma kang Col. Noel Baluyan, commander sa 302nd brigade 4th ID, nakabase sa Tanjay City, Negros Oriental, ang pito uban sa 37 nga gipadala sa Sugbo nunot sa kamanduan sa ilang labaw, dihang nagpadayon ang pagsaka sa virus sa siyudad sa Sugbo.

Ang 37 ka mga sundalo nakabalik sa Tanjay City niadtong Hunyo 23, samtang tulo ka adlaw niana gikan sa ilang pag-abot, dunay mga sundalo nga nakasinati sa sintomas sa covid-19.

Pito ang nigawas nga positibo base sa resulta samtang ang nahibilin nga 30 gipaubos na usab sa swab test niadtong milabay nga adlaw ug paaboton lang ang resulta.

Ang 37 ka mga sundalo nagsilbing kaabag sa Cebu City Police Office (CCPO) niadtong nagsaka pa ang kaso sa covid-19 samtang sila ang nagpatrolya sa mga barangay nga dunay taas nga kaso.

Nakabalik na ang mga sundalo sa dihang gidungan na og pwersa sa mga pulis ang Police Regional Office (PRO) 7 gikan sa kaulohan ug silingang rehiyon. (DYARCorrespondent/RoselynCarbonilla/NegOr)

Leave a Reply

Your email address will not be published. Required fields are marked *