Easy access pass alang sa mga residente ug dili residente sa syudad Dumaguete epektibo gihapon bisan og gipaubos na sa mgcq ang syudad.

Regional

Cebu City – Epektibo gihapon ang easy access pass kon resident passes alang sa tanang residente ug dili residente bisan pa man nga gipaubos na sa modified general community quarantine ang dakbayan sa Dumaguete.

Kini aron makontrolar gihapon ang pagdagsa sa mga tao ilabi na sa mga lugar diin naa ang sentro sa negosyo nga kinahanglan ang physical distancing.

Suma kang Dumaguete City Mayor Felipe Antonio Remollo, nga ang kamanduan kalabot sa paglimita sa pagpasud sa mga residente ug dili residente sa pagpalit sa mga essential goods ug services sa mga malls, public market, supermarkets, grocery stores, pharmacies ug ubang pang essential business establishments sa syudad epektibo gihapon.

Alang sa mga residente sa syudad nga pula ang kolor sa ilang easy access pass mamahimo nga makapalit sa aldaw nga lunes, miyerkules, biyernes ug domingo.

Alang usab sa kolor violet nga easy access pass mamahimo sa pagpalit sa adlaw nga martes, huwebes,sabado ug domingo. alang sa mga dili residente sa syudad nga gikan sa lungsod ug syudad sa distrito uno ug dos makahimo sa pagpalit sa adlaw nga lunes,miyerkules ug biyernes.

Samtang mga lungsod ug syudad nga gikan sa distrito tres makahimo sa pagpalit sa adlaw nga martes, huwebes ug sabado.

Padayon gihapon ang awhag ni Remollo sa katawhan nga padayon nga tumanon ang mga health protocols sama sa pagsul-ob face mask, kanunay nga paghugas og kamot ug physical distancing. (DYARCorrespondent/RoselynCarbonilla/NegOr)

Leave a Reply

Your email address will not be published. Required fields are marked *