Human nakalas ang kinabuhi sa usa ka Brgy Councilor; Guadalupe Barangay hall, gi lockdown

Metro News

Cebu City – Gi-lockdown ang Barangay hall sa barangay Guadalupe sa dakbayan sa sugbo human adunay usa konsehal ang nakalas nga nagpositibo sa covid-19.

Suma kang Barangay Captain Michael Gacasan gipa-lockdown una niya ang human nipahibalo ang Cebu City Health Department.

Gipaubos na sa quarantine ang walo ka mga staff nga dunay direct contact ngadto na kang konsehal Ruben Baculi, kinsa namatay sa milabay nga semana.

Base sa resulta sa test, ni Baculi positibo kini sa coronavirus disease 2019 (covid-19).

Si Baculli gitudlo nga tsirman sa barangay health emergency response team (BHERT).

Sa kasamtangan gi-disinfect na ang tibuok barangay hall aron mahimong luwas ang ubang mga staff sa maong barangay.

Lagmit usab nga mobalik na sa miyerkule kon sunod semana ang operasyon sa barangay hall kun tugutan na usab sa city health department. (DYARNewscenter/BC)

Leave a Reply

Your email address will not be published. Required fields are marked *