Kanye West, molansar pagka US President karong 2020

Showbiz

Cebu City – Molansar sa pagka presidente ang American Rapper nga si Kanye West nga usa ka supporter ni US President Donald Trump.

Mao kini mismo ang gianunsyo sa rapper sa iyang twitter account.

Matud kang West, angay mahuna-hunaan karon nga matumbok ang saad sa amerika pinaagi sa pagsalig sa ginoo, panahghiusa ug pagmugna sa ilang kaugmaon.

Gibutangan pa ni West ang iyang tweet og usa ka american flag emoji ug sa hashtag nga #2020vision.

Sa kasamtangan, wa pay tataw kon seryoso si West sa iyang laraw nga paglansar sa pagkapresidente sa America, upat ka bulan sa di pa ang ilang eleksyon sa Nobyembre 3.

Di sab sigurado kon magsumiter na sa iyang official papers ang rapper aron malakip sa election ballots. (DYARNewsCenter/BC)

Leave a Reply

Your email address will not be published. Required fields are marked *