Pilipinas, target ipadala ang ‘Biggest Delegation’ sa 2021 Tokyo Olympics

Sports

Cebu City – Excited na ang Pilipinas nga ipadala ang labing dako nga contingent niini sa Olympics sa ipahigayon nga 2021 Summer Games sa Tokyo, Japan.

Apan matud pa ni Philippine Olympic Committee (POC) President Abraham “Bambol” Tolentino, kini kon mahmo sa anaa sa 60 mga atletang pinoy nga ma-qualify sa Olympics.

Gipasabot ni Tolentino, nangandam na sab ang maong mga atleta alang sa mga olympic qualifiers tagsa-tagsa nga natad nga magsugod sa enero hangtud Hunyo 2021.

Niadtong 1964 sa dihang gipadala sa pilipinas ang labing dako niini nga delegasyon sa olympics nga gipahigayon sab sa Tokyo, nga gilangkuban sa 60 nga mga atleta.

Sa nahisgutan nga edisyon sa olimpiyada, gipresentar sa pinoy bantamweight nga si Anthony Villanueva ang labing –una nga silver medal sa nasud.

Sa kasamtangan, upat ka pilipino pa lang ang kwalipikado na sa Olympics, sa katauhan nila ni Eumir Marcial ug Irish Magno sa boxing, Ernest John Obiena sa athletics, ug Carlos Yulo sa gymnastics. (DYARNewscenter/BC)

Leave a Reply

Your email address will not be published. Required fields are marked *