80 ka contact tracing teams target sa Cebu City LGU

Metro News

Cebu City – Target karon sa Cebu City government ang pag-umol og 80 ka contact tracing teams alang sa 80 ka mga barangay sa dakbayan.

Suma kang Mayor Edgardo Labella, kinahanglan matag barangay adunay usa ka contact tracing team alang sa paspas nga aksyon.

Ang matag team adunay lima ka mga miyembro nga maoy mosubay sa mga naka-close contact sa mga nag-positibo sa covid-19.

Gitataw sa mayor nga pinaagi niini mas mosaka pa ang gidaghanon sa mga kaso sa covid-19 sa siyudad apan andam si labella basta makita lang ang epekto sa virus ug ma-isolate ang mga nataptan para mahatagan og medical intervention ang mga pasyente sa dali nga recovery.

Tinguha usab ni labella nga makakuha og 400 ka mga health worker nga langkuban sa medical technologist ug ubang trained employees sama sa nurse aron maoy mokuha og dugo para sa rapid test ug swab test.

Sa kasamtangan ang syudad aduna pa lang 35 ka contact tracing teams. (DYARNewsCenter/BC)

Leave a Reply

Your email address will not be published. Required fields are marked *