CCPO nanawagan sa mga barangay Kapitan nga pangusgan ang pagmonitor sa mga residente nga dili motuman sa quarantine protocol

Metro News

Cebu City – Nanawagan ang kapulisan sa dakbayan sa Sugbo ngadto sa mga barangay kapitan nga pangusgan ang ilang pagmonitor sa mga residente nga dili motuman sa quarantine protocol.

Suma kang Colonel Josefino Ligan, director sa Cebu City Police Office (CCPO), iyang giawhag ang mga opisyales sa barangay nga bantayan ang ilang mga dapit ug moapil sa kapulisan sa ‘rekorida.’

Kini human nga adunay migawas nga hulagway sa social media nga adunay pipila ka mga tao nga naghimo og mass gathering sa barangay Tejero atol sa gipahigayon nga pagpatrolya sa mga sakop sa special action force (SAF).

Sigon ni Ligan nga ila na nga giila ang maong barangay officials nga nalakip sa maong hulagway.

Kalabot niini gimanduan ni ligan ang mga station commander nga magbutang og one entry ug one exit points sa ilang barangay.

Miapelar usab kini sa city government nga mohimo og ordinansa nga maghatag sa mga barangay tanod ug officials sa pagpanakop sa mga molapas sa quarantine protocol. (DYARCorrespondent/ZaiRedula)

Leave a Reply

Your email address will not be published. Required fields are marked *