Containerized Mortuary freezer van sa dakbayan sa Mandaue

Metro News

Cebu City – Niabot na ang containerized mortuary freezer van sa dakbayan sa Mandaue nga nagkantidad og P1.8 milyones aron himuong ekstensyon sa morgue o mortuary freezer sa Mandaue City hospital.

Giinspeksyon kagahapon ni Mandaue City Mayor Jonas Cortes ang maong freezer van nga kasamtangang nahiluna sa lungsod sa Consolacion.

Suma kang Cortes dako ang matabang sa maong freezer van ilabi na nga limitado ang espasyo sa mga pampublikong menteryo ug taas nga linya sa pagpa-cremate, aron mapreserba ang mga lawas.

Mokabat ngadto sa 40 ka lawas ang maakomodar sa maong van.

Prayoridad nga iakomodar sa freezer van ang mga taga Mandaue nga namatay tungod sa coronavirus disease 2019 (covid-19).

Dugang ni cortes nga ang mga namatay tungod sa covid-19 kinahanglan nga diretso kining malubong o ipa-cremate sulod lang sa 12 ka oras ngadto sa 24 ka oras.

Pinaagi sa gipalit nga freezer van dili na kinahanglan pa nga mobayad og P8,000 ngadto sa P10,000 matag adlaw ang pamilya sa mitaliwan na tungod libre lang ang serbisyo niini. (DYARNewsCenter/BC)

Leave a Reply

Your email address will not be published. Required fields are marked *