Mga nataptan sa covid-19 sa kamara miabot na sa dose ka indibidwal

National News

Cebu City – Lain na sab nga empleyado sa balay balauranan ang nagpositibo sa coronavirus disease 2019 (covid-19) ug kini na ang ika-12 nga kaso sa virus sa kamara.

Mao kini ang gipahibawo ni House Secretary General Jose Luis Montales, diin gikan matud pa ang maong empleyado sa internal audit department sa kongreso.

Suma pa ni Montales, na-expose ang maong bag-ong kaso sa nauna nga nagpositibo nga empleyado usab sa kamara nga gipahibawo niadtong unang adlaw sa Hulyo nga gikan sa susamang departamento.

Giingong asymptomatic kun wa nagpakita og sintomas sa covid-19 ang maong pasyente sa virus.

Subay niini, si Montales miingon nga ilang giobserbahan ang protocols sa pag-handle sa ilang mga empleyadong nagpopositibo sa covid-19, ingon man ang mga duol nga kabany niini.

Kahinumduman nga pagsugod palang sa Hulyo,nakatala na og tulo ka bag-ong kaso sa covid-19 ang house of the representatives, samtang nakatala na sab og usa ka nakalas niadtong marso nunot sa virus. (DYARNewsCenter/BC)

Leave a Reply

Your email address will not be published. Required fields are marked *