Gi-gikanan sa covid-19 sa China subling tukion sa WHO

International News

Cebu City – Paingon na sa China ang advance team sa World Health Organization (WHO) aron tarungon ang ipahigayon ang ilang imbestigasyon kabahin sa gigikanan sa novel coronavirus nga mao’y hinungdan sa covid-19 pandemic.

Sumala kang WHO spokeswoman Margaret Harris, gilangkuban ang grupo sa duha ka eksperto nga susamang mga ispesiyalista sa panglawas sa mga hayop ug epidemiology.

Matud pa ni Harris, makig-alayon ang duha sa mga chinese scientists aron matumbok ang mga mahimong sakop ug itinerary sa ipahigayon nga imbestigasyon sa gigikanan sa virus.

Mahimong sentro matud pa niini ang pagtumbok kon giunsa pagbalhin ang novel coronavirus gikan sa kwaknit paingon sa tawo ug kon niagi ba kini sa usa ka intermediate species.

Kahinumduman nga gihimug-atan kaniadto ni US President Donald Trump nga naggikan ang virus sa laboratoryo sa wuhan nga hugtanon sab nga gihimakak sa China. (DYARNewsCenter/BC)

Leave a Reply

Your email address will not be published. Required fields are marked *