Ilegal nga sugal sa Bohol pa-imbestigaran sa hepe sa PRO-7

Metro News

Cebu City – Paimbestigaran sa kadagkuan sa Police Regional Office (PRO) 7, ang migawas nga taho nga adunay nagpadula sa peryahan ng bayan nga usa ka matang sa sugal sa maong probinsya nga gipaagi sa social media.

Mao kini ang mando ni PRO-7 Director Police Brigadier General Albert Ignatius Ferro, kang officer-in charge sa Bohol Provincial Police Office.

Suma kang Ferro, hugot niyang gimando nga puhagon ang bisan unsa nga matang sa illegal nga sugal ilabi panahon sa covid-19 pandemic.

Natingala ang heneral nganong mibalik ang maong matang sa sugal nga wala pa magsugod pog balik ang mga programa sa philippine charity sweepstakes office tungod sa covid-19 pandemic.

Ipaubos usab sa imbestigasyon kon kinsa ang mitugot nga mo-operate sa illegal gambling nga peryahan ng bayan.

Dugang niini nga kon masuta nga aduna siyay sakop nga nalambigit niini, dili matod magduhaduha ang direktor sa pagparelibo sa katungdanan ug pasakaan og kaso. (DYARNewsCenter/BC)

Leave a Reply

Your email address will not be published. Required fields are marked *