Pundo nga gipalit og tuob kits bisan walay pagtugot susihon ni Mayor Edgardo Labella

Metro News

Cebu City – Susihon ni Mayor Edgardo Labella ang paggasto sa pundo sa siyudad alang sa pagpalit sa 1,000 ka tuob kits.

Kini human nga iyang gitataw nga wala niya tuguti ang pagpalit sa P2.5 milyones nga mga steam inhalation o “tuob” kits.

Ang mga tuob kits gipangapod-apod sa mga barangay isolation centers.

Kalabot niini, gihimakak ni konsehal Jerry Guardo nga maoy nagpasiugda sa proyekto nga gibaligya ang maong mga tuob kits.

Suma kaniya nga ang mga pasyente nga naa sa BIC ang gipanghatagan sa maong mga kits nga libre.

Ang P2,500 nga kantidad nga tuob kit naglangkub sa usa ka electric water heater/steamer, usa ka steam gown, usa ka industrial nga plastik nga lingkuranan, usa ka adult bath towel, duha ka hand towels, ug usa ka planggana sa tubig. (DYARNewsCenter/BC)

Leave a Reply

Your email address will not be published. Required fields are marked *