Patay’ng lawas ni ‘Glee’ actress nga si Naya Rivera napalgan na

Showbiz

Cebu City – Napalgan na ang patay nga lawas sa ‘Glee’ actress nga si Naya Rivera.

Kini human sa pipila ka adlaw nga pagpangita sa Lake Piru sa Los Angeles.

Suma sa Ventura, California, County Sheriff, gilayon nila kining gipahibawo sa kabanay sa pagkadiskobre sa patayng lawas ug positibo nila kining giila nga mao ang 33-anyos nga actress.

Kahinumduman nga niadtrong niaging semana, gikataho nga nawala ang actress sa dihang maligo sa lawa kauban ang iyang upat ka tuig nga anak nga si Josey.

Napalgan nga luwas ang bata apan wa dayon makita sa mga otoridad ang patayng lawas sa actress.

Gibidahan isip si Santana Lopez ang actress sa “Glee” sa unom ka tuig nga musical show gikan 2009 hangtud 2015. (DYARNewsCenter/BC)

Leave a Reply

Your email address will not be published. Required fields are marked *