Limitadong face-to-face classes sa mga dapit nga ubos ang kaso sa covid-19 giaprubahan na

National News

Cebu City – Aprubado na kang presidente Rodrigo Duterte ang limitadong face-to-face classes sa mga dapit nga ubos ang kaso sa coronavirus disease 2019 (covid-19).

Kini human giprisintar ni Education Secretary Leonor Briones kaniya ang ilang laraw kun unsaon ipahigayon ang limitadong face-to-face classes.

Gibutyag ni Briones nga dili usab otomatik nga pwede ang limited face-to-face kun ubos ang covid-19 cases sa usa ka dapit apan kinahanglan makapasar gihapon kini sa gihimo nila nga mga lagda.

Suma kang Briones, gihimo na ang limited face-to-face sa la salle ug usa ka gamay nga tunghaan sa siquijor ug daghan na usab matod ang mga international ug private schools nga nangayo og permiso nga makapahigayon og limitadong face-to-face classes.

Ubos sa gisugyot sa DepEd usa kon duha ka higayon lang sa usa ka semana mosud nga pisikal sa tunghaan ang mga tinun-an ug limitado lang sa mga importanteng hisgutan ang itudlo sa mga magtutudlo. (DYARNewscenter/BC)

Leave a Reply

Your email address will not be published. Required fields are marked *