Bayanihan 2 bill lusot na sa Senado

National News

Cebu City – Giuyunan sa 22 ka senador sa third ug final reading ang Bayanihan to Recover As One Act isip pagtubag sa hangyo ni Presidente Rodrigo Duterte sa iyang State of the Nation Addres o SONA miaging lunes.

Tumong sa Bayanihan 2 nga maipadayon sa administrasyong-Duterte ang mga gihimong programa ug lakang arun buhion ang ekonomiya sa nasud taliwala sa pandemya nga dala sa covid-19.

Mahimong dalan ang balaud human pirmahi ni Presidente Duterte arun padayon nga hatagan ogtabang sa gobyerno ang mga negosyo sa nasud,ang mga mamumuo lakip ang Overseas Filipino Workers (OFW’s).

Mitagana sa balaud og P140 bilyones ug gastuson kini arun sa pagpalit og Swabbing Test kits (P10b); Unemployment and Involuntary Separation Assistance Program sa DOLE, P17b); Cash for Work ug tupad programs sa DOLE (P15b); (P15b); Department of Labor and Employment (DOLE); paghatag og low-interest loans sa mga gagmay nga negosyo pinaagi sa land bank, dbp ug philippine guarantee corp. (P50b).

Ingon man ang pag-gahin og P17 bilyones sa sektor sa agrikultura, sama sa kantidad sa DOTR arun makatabang sa mga sakop sa sektor ng transportasyon, P10 bilyones sa Department of Tourism; P3 bilyones sa State Universities and Colleges ug P1 bilyones sa TESDA. (DYARNewsCenter/BC)

Leave a Reply

Your email address will not be published. Required fields are marked *