Libuan ka manindahay sa Carbon Market ipaubos sa covid testing

Metro News

Cebu City – Laraw karon sa Inter Agency Task Force (IATF) sa dakbayan sa Sugbo nga ipailahom sa covid testing ang libuan ka mga vendor sa carbon market.

Mao kini ang rekomindasyon ni Dr. Jean Lorechie, Chief Pathologist sa DOH-7,atol sa meeting sa IATF niadtong lunes, Hulyo 27.

Kini aron masayran ang tinuod nga sitwasyon sa labing dako nga merkado sa Sugbo ug preparasyon usab sa mga tawo sa pagdeklarar unya sa General Community Quarantine (GCQ) sa dakbayan.

Ang Carbon Market adunay 3,906 ka rehistradong stall holder, ambulant vendors, pushcart drivers ug helper sa tindahan nga maoy motabang og baligya.

Ang tanang magpositibo sa covid testing, ipaubos sa swab test aron pagsuta kon natakboyan sa coronavirus disease ug ma-isolate gilayon.

Apan kadtong magnegatibo ang resulta, tugutan nga makatinda.

Kon madayon ang maong laraw, ang city government kinahanglanglan nga mogahin of dul-an p4 milyones para sa test kits sanglit ang LGU maoy gitahasan nga mopalit. (DYARNewsCenter/BC)

Leave a Reply

Your email address will not be published. Required fields are marked *