Dakbayan sa Sugbo giaubos na sa General Community Quarantine

Metro News

Cebu City – Giaubos na sa General Community Quarantine (GCQ) ang dakbayan sa sugbo sugod karong adlawa.

Kini ang gibutyag ni Presidente Rodrigo Duterte atol sa iyang public address kagahapon.

Kahinumdumang gibalik sa Enhanced Community Quarantine (ECQ) ang dakbayan sa sugbo niadtong Hunyo 15 gumikan sa taas nga natalang kaso sa covid-19.

Milungtad ang ECQ status sa Cebu City hangtud Hulyo 15 diin personal nga gisubay sa Inter-Agency Task Force (IATF) ang sitwasyon ug pagpatuman sa mga lakang, pinaagi ni Environment Secrtary Roy Cimatu.

Samtang mahimong ipatuman sa regional iatf ang localized lockdowns sa mga sitio ug barangay depende lang sa gilapdon sa pagkuyanap sa virus.

Gawas sa dakbayan sa Sugbo, gipaubos usab sa gcq ang dakbayan sa Mandaue, Talisay City, Minglanilla, ug Consolacion ug Lapu-lapu samtang modified general community quarantine usab sa uban pang bahin sa lalawigan sa Sugbo. (DYARNewsCenter/BC)

Leave a Reply

Your email address will not be published. Required fields are marked *