Dakbayan sa Sugbo modawat na og apliksyon sa mga LSI

Metro News

Cebu City – Modawat na og aplikante ang Cebu City Government alang sa hinabang ngadto sa libuan ka mga Locally Stranded Individual (LSI) sa syudad pinaagi sa Department of Social Welfare and Services (DSWS).

Mao kini ang gipahibalo ni Mayor Edgardo Labella sa iyang official Facebook Page, diin makadawat og hangtod P5,000 ang mga lsi depende sa gilay-on sa ilang paulian.

Ang mga LSI nga mosakay sa bus, barko o eroplano gikan sa Cebu City paingon sa lalawigan sa sugbo makadawat og P1,000 hangtod P1,500 samtang ang paingo sa Negros Oriental, Bohol ug Siquijor makadawat og P1,500 ngadto sa P3,000 ug ang paingon sa mindanao ug luzon makadawat og P3,000 hangtod P5,000 depende sa assessment sa DSWS.

Lakip sa mga rekisito nga kuhaon sa mga LSI sa dili pa sila makapahimulos sa financial assistance mao ang government issued id o valid id nga nagpakita sa ilang address gawas sa Cebu City, travel authority gikan sa Philippine National Police ug barangay certificate diin natanggong ang LSI sulod sa upat ka buwan.

Ang maong mga document ipadala sa buhatan ni konsehal Raymond Garcia pinaagi sa email address nga [email protected] ug kadtong walk-ins dili i-entertain sa iyang buhatan gumikan sa hulga sa covid-19.

Ang kadtong makaduso na sa ilang dokumento, makadawat ra sila og email para sa ilang schedule sa interview didto sa DSWS. (DYARNewsCenter/BC)

Leave a Reply

Your email address will not be published. Required fields are marked *