Ibalik na ang operasyon sa mga pantalan sa dakbayan sa Sugbo

Metro News

Cebu City – Ibalik na ang operasyon sa mga pantalan sa dakbayan sa Sugbo sugod ugmang adlawa human gipaubos na sa General Community Quarantine ang syudad.

Kini ang gibutyag ni Konsehal Joel Garganera, Deputy Chief Implementer sa Inter-Agency Task Force (IATF) emergency operations center (EOC) aron makauli na usab ang mga locally-stranded individuals (LSI’s) gikan sa laing lugar.

Gikinahanglan lang nga mokuha og travel authority ug identification card ang mga LSI nga residente sa dakbayan.

Samtang ang taga probinsiya sa Sugbo nga lsi kinahanglan mopaubos og rapid test apan kun dili makapresentar og negative covid-19 test result pwede ra usab ang medical clearance nga pirmado sa municipal o city health officer kun asa kini na-stranded.

Laing gikinahanglan sa probinsiya mao ang letter of confirmation gikan sa local chief executive (LCE) sa modawat nga lgu nga nagtugot sa pagdawat sa LSI. (DYARNewsCenter/BC)

Leave a Reply

Your email address will not be published. Required fields are marked *