Kampanya batok tigbakay mas hugtan pa sa PRO-7

Metro News

Cebu City – Mas hugtan pa sa kapulisan ang ilang kampanya batok sa ilegal nga sugal ilabi na ang tigbakay.

Kini ang pasidaan ni Police Brigadier General Albert Ignatius Ferro, hepe sa Police Regional Office (PRO) 7 human nakasikop na usab ang kapulisan og mga sugarol sa tigkbakayan sa lungsod sa San Fernando diin 58 ka mga tawo ug duiha barangay konsehal niadtong Hulyo 29.

Kasong kalapasan sa Presidential Decree 1602 kun illegal gambling ang ipasaka sa mga dinakpan ngadto sa piskaliya sa San Fernando.

Nasagmuyo si Ferro sa sunod-sunod nga kalambigitan sa mga elected officials sa tigbakay sa probinsya sa Sugbo.

Kahinumduman Hulyo 25, nadakpan usab sa Regional Intelligence Division ug Daanbantayan Police ang 31 ka mga tawo sa tigkbayan sa lungsod sa Daanbantayan diin ang 23 kanila nakaeskapo ug pito niini public elected officials. (DYARNewsCenter/BC)

Leave a Reply

Your email address will not be published. Required fields are marked *