Lalawigan sa Siquijor nakatala na og unang labing kaso sa covid-19

Metro News

Cebu CIty – Nakatala na og labing unang kaso sa coronavirus disease 2019 (covid-19) ang lalawigan sa Siquijor.

Suma kang Siquijor Governor Zaldy Villa, pulos mga milabik nga residente ang duha ka unang kaso sa covid-19 sa probinsya ug dili kini matawag nga local transmission.

Giingong pulos nibiyahe gikan metro manila ang duha ka pasyente ug kasamtangang anaa na sa quarantine facility.

Gibutyag ni Villa, usa niini taga lungsod sa Lazi samtang ang usa usab gikan sa Larena.

Kalabot niini, nanawagan og suporta ug panaghiusa ang lokal nga panggamhana sa Siquijor sa mga molupyo arun mapugngan ang pagkatap pa sa virus ingonman pagsabot sa mga nataptan sa sakit. (DYARNewsCenter/BC)

Leave a Reply

Your email address will not be published. Required fields are marked *