Metro Manila ug kasigpit nga dapit, subling ipaubos sa MECQ sugod Agosto 4

National News

Cebu City – Ipaubos pag-usab sa modified enhanced community quarantine kon (MECQ) ni Presidente Rodrigo Duterte ang Metro Manila, Bulacan, Laguna, Cavite ug Rizal gikan sa Agosto kwatro hangtod Agosto desi otso.

Subay kini sa rekomendasyon ni Department of Health Secretary Francisco Duque III human nakighimamat kaniya ang pundok sa mga medical workers.

Gipahigayon sa Presidente ang anunsyo atol sa iyang pakigpulong sa pipila ka sakop sa gabinite kagabii tungod sa panawagan sa mga health workers nga hugtan pag-usab sa gobyerno ang gipatuman nga quarantine arun hingpit mabantayan ang pagkatap sa covid-19.

Nanawagan usab ang presidente sa mga health workers nga sabton ang kahimtang sa gobyerno tungod kinahanglan usab balansehon ang tanan ilabi na ang hinay-hinay nga pag-abli sa ekonomiya.

Gisiguro usab sa Presidente nga gitun-an na niini ang hangyo nga dugang benepisyo sa mga health workers. (DYARNewsCenter/BC)

Leave a Reply

Your email address will not be published. Required fields are marked *