Philhealth giangkon nga lagmit ma-Bankrupt sa sunod tuig

National News

Cebu City – Namiligro na nga ma-bankrupt kon mahugno ang Philhealth.

Kini ang giangkon ni Nerissa Santiago, Senior Vice President for Actuarial Services ug Waste Management Sector sa Philhealth atol sa pagdungog sa Senado.

Suma kang Santiago, pahurot na ang pondo sa Philhealth tungod mikunhod ang koleksyon gikan sa mga sakop ug misaka pa ang gastos tungod sa pagbayad og mga pasyenteng nataptan sa covid-19.

Matod ni Santiago lagmit usa ka tuig na lang ang pondo sa philhealth ug wala na kini reserba nga pondo.

Tungod niini mamahimong mawagtang na sa hingpit ang Philhealth sa 2022.

Dugang pa niini sa wala pa miabot ang pandemya, napulo ka tuig pa unta nga molanat ang pondo sa ilang buhatan.

Subsidy sa gobyerno ug mas dako nga koleksyon gikan sa mga sakop ang posibleng tubag usab arun matabangan ang paghutor sa pondo sa Philhealth. (DYARNewsCenter/BC)

Leave a Reply

Your email address will not be published. Required fields are marked *