Bug-at nga multa, ipatuman sa Cebu City ngadto sa mga musupak sa quarantine protocol

Metro News

Cebu City – Sugdan na karong Agosto 16 sa Cebu City ang bug-at ng multa nga atubangon sa mga musupak sa quarantine protocol ug di na ang community service ug uban pa.

Mao kini ang hinung dan nga gikinahanglan nga motuman sa maong protocol ilabi na kon naa sa maong dakbayan.

Mo-epekto na sa maong adlaw ang Cebu City Ordinance no. 2566 kun “An Ordinance Penalizing any violation in relation to the Implementation of General/Enhanced Community Quarantine in Cebu City during Public Health Crisis” nga giaprobahan niadtong Hunyo 26.

Ubos sa General Community Quarantine (GCQ) ang dakbayan hangtod sa Agosto 15.

Gipublikar ang ordinansa niadtong Hulyo 31 sa usa ka mantalaan nga dunay general circulation, ang ordinansa moepekto paglabay sa 15 ka mga adlaw, busa sa Agosto 16.

Gipangamahanan ang ordinansa nila ni Cebu City Councilors Dave Tumulak, Raymond Alvin Garcia ug Phillip Zafra.

Nasayran nga di lang ang siyudad sa sugbo ang naay ordinansa nga nagpamulta sa mga nakalapas sa quarantine protocol.

Dunay kaugalingong mga ordinansa ang mga dakbayan sa Mandaue ug Lapu-lapu nga nagpahamtang usab og dagkong mga multa sa mga malapason. (DYARNewsCenter/BC)

Leave a Reply

Your email address will not be published. Required fields are marked *